Muling pinahanga ng Pinoy na si Marcelito Pomoy ang mga tao at mga hurado sa kaniyang finale performance sa "America's Got Talent: The Champions." Gayunman, hindi niya napatayo sa pagkakataong si Simon Cowell.
Tulad ng dati, ginamit ni Marcelito ang kaniyang husay sa dual-voice na babae at lalaki sa pag-awit ng "Beauty and the Beast" nina Celine Dion at Peabo Bryson.
Umani ito ng standing ovation sa mga tao sa studio at tatlong hurado na sina Heidi Klum, Alesha Dixon and Howie Mandel.
Para kay Alseha, perfect choice ang "Beauty and the Beast" para kay Marcelito.
"And I actually think that you've upped your game from the last time we heard you sing. The high notes on that song were beautiful. You absolutely nailed it tonight and I couldn't be happier for you," anang hurado.
Sabi naman ni Heidi na tuwang-tuwa kay Marcelito, "I know this is the third time you performed in front of us but it just never gets old."
Suportado rin ni Howie ang Pinoy, "When I first saw you, you blew me away because it was the surprise of it all."
Pero si Simon, inilarawan na "predictable" ang performance ni Marcelito.
"The songs he's chosen were very safe, they're very kind of... I get it, they're very popular songs but I just think on tonight, if he had done something out of his comfort zone, like a shock to everybody, 'My God, he's chosen that song,' that could've given you another moment," ang metikulong hurado.
Pero naniniwala pa rin siya sa husay ng Pinoy.
"I think you got a massive career in front of you, I really really do," saad niya.
Siyam na katunggali ang katapat ni Marcelito at malalaman sa Pebrero 10 (US time) ang mananalo.--FRJ, GMA News
