Sa kanilang "Road Trip" sa Singapore kasama sina Betong, Boobay, at Maey, hindi napigilan ni Sheena Halili na mapaiyak nang mapag-usapan ang kaniyang buhay-pag-ibig.
Matapos ang nakalululang pagsakay ng grupo sa Skyride Boarding Queue kung saan nasubok ang "fear of heights" ni Betong, nagsalo-salo sila at doon napag-usapan ang latest sa love life ni Sheena.
Ibinahagi ni Betong na minsan nang tumawag si Sheena sa kaniya para maglabas ng sama ng loob tungkol sa problema sa love life.
Ngayong may nagpapasaya na kay Sheena, natutuwa si Betong at ang kanilang mga kaibigan para sa aktres.
Panoorin ang kanilang "Road Trip" episode para malaman kung taga-showbiz o hindi ang lalaking sinasabihan ni Sheena ng "I love you" araw-araw.
Click here for more GMA Public Affairs videos:
-- FRJ, GMA News
