Sa pagpirma niya ng kontrata sa GMA Records nitong Martes, Nobyembre 7, inihayag ng Kapuso star na si Gabbi Garcia ang naging inspirasyon niya sa kaniyang first single na 'All I Need.'
Ayon sa actress-singer, iba't-ibang karanasan daw sa buhay ang naging inspirasyon niya para isulat at gawin ang naturang kanta, na tungkol sa self-empowerment at pagpapahalaga sa sarili.
"It's a song about self-empowerment and self-worth. So perfect siya for anybody who thinks that they can't do anything about being independent," sabi ni Gabbi.
Patuloy pa ni Gabbi, "Ever since I wanted to enter the music world, my family supported me na talaga eh because I went to gigs before, I do gigs. For the song naman, the inspiration talaga is all the, siyempre personal experiences 'yan eh, like nagpatong-patong na and of course I wanted to have an outlet and I chose music to be the outlet."
Sa Hong Kong pa ginawa ang shoot ng music video ng awitin na mapapanood na sa YouTube simula nitong Lunes.
Mapapakinggan na rin ito sa 180 digital stores worldwide, kabilang na ang iTunes.
Nagpasalamat naman si Gabbi na tinangkilik agad ito ng kaniyang fans.
"Fulfilling kasi kahit first night pa lang na lumabas tinanggap agad ng fans. I'm happy that they enjoyed it."
Nagpasalamat din si Gabbi sa team na binubuo ng mga kaibigan niya na tumulong sa pagshoot ng music video, at sa GMA Records.
"It was really all hard work by the team. Yes, everything [is my concept], and the team behind it. Everything is self-produced and distributed by GMA Records."
Looking forward si Gabbi na marami pa siyang magagawang kanta sa GMA Records.
"I'm happy working with them. For this I'm so happy that they have distributed my single and more to come, of course."
Pinag-iisipan din daw ni Gabbi na gumawa na ng sarili niyang album.
"We'll see pero in the process pa. I'm not stopping naman creating music."
Pero sa ngayon, magandang simula para kay Gabbi ang kaniyang single.
"Baby steps. it's just the start definitely." -- FRJ, GMA News
