Isa ang patay at isa ang sugatan sa nangyaring pamamaril sa kalsada sa Tandang Sora Avenue, Quezon City.
Sa ulat ng GMA News Saksi nitong Huwebes, sinabing lumilitaw sa paunang imbestigasyon na nagkagitgitan umano sa daan ang isang puting van at isang pulang pickup.
Bumaba umano ang driver ng van at pinagbabaril ang driver ng pickup, na bumabangga pa sa mga kongkretong barikada.
Patuloy pa umano ang imbestigasyon ng pulisya sa nangyaring krimen.
Sa post ni GMA Integrated News reporter James Agustin sa X, sumuko umano ang namaril na driver ng van na isang pulis matapos ang insidente.
1 patay, 1 sugatan matapos mauwi sa pamamaril ang gitgitan ng pickup at closed van sa Tandang Sora Avenue sa Quezon City. Ang suspek na isang pulis at nagmamaneho ng closed van, sumuko matapos ang insidente. @gmanews @dzbb pic.twitter.com/BsKWzEHt7W
— James Agustin (@_jamesJA) March 20, 2025
-- FRJ, GMA Integrated News
