Ticket na nanalo ng P61-M sa Lotto 6/42, nabili sa Las Piñas City

Sa Las Piñas City nabili ng isang mananaya ang ticket na tumama ng mahigit P61 milyon jackpot sa Lotto 6/42 draw noong Sabado, July 1, 2023.

Ayon sa Philippine Charity Sweepstakes Office, nabili ang lucky ticket sa Manuela area na tumama sa lumabas na kombinasyon ng mga numero na 18-25-12-14-13-22, at may premyong P61,234,178.20.

Samantala, wala namang pinalad na manalo sa Grand Lotto 6/55 draw nitong Lunes, June 3, 2023.

Ang lumabas na mga numero ay 20-22-52-54-33-30, na may kabuuang premyo na P53,301,641.20.

Wala ring tumama sa kasabay nitong draw na Megalotto 6/45, na ang lumabas na mga numero ay 03-33-19-35-18-29, at may premyo namang P12,913,009.60. --FRJ, GMA Integrated News