Doble ang naging kaba ng isang lalaki na hindi lang nakaharap ang ama ng kaniyang girlfriend sa kanilang lunch date, kundi isinalang pa siya nito sa oral recitation at written exam para siya ay lubusang makilatis.
Sa ulat ni Oscar Oida sa State of the Nation, mapapanood ang TikTok video ng lunch date nina Scud Del Pilar at Julyanna Esguerra.
Kasama ni Julyanna ang kaniyang ama, na binigyan si Scud ng oral recitation at written exam.
Small talk lang ang anatomy para sa ama ni Julyanna na isang cardiologist. Alam din niyang nag-aaral ng physical therapy ang nobyo ng anak.
Hindi ito ang unang pagkikita nina Scud at ang ama ni Julyanna.
Ang lunch date ay nagsilbing pormal na pagpapaalam ni Scud dahil si Julyanna naman ang ipakikilala niya sa kaniyang mga magulang.
Pasado naman si Scud kahit kinabahan. —Jamil Santos/VBL, GMA Integrated News
