Mailap pa rin at wala pa ring nanalo sa Ultra Lotto 6/58 draw nitong Martes, June 20, 2023. Ang premyo nito, mahigit P292 milyon na.
Sa website ng Philippine Charity Sweepstakes Office, nakasaad na walang mananaya na nakahula sa lumabas na mga numero na 09-26-27-33-43-11.
Umabot na ang jackpot prize nito sa P292,700,994.40.
Huling tinamaan ang jackpot sa Ultra Lotto 6/58 noong Marso 12, 2023 na may jackpot prize na P49 milyon. Bago nito, may naunang tumama ng P109 milyon na premyo sa nasabing lotto game noong Marso 7, 2023.
Binobola ang Ultra Lotto 6/58 tuwing Linggo, Martes, at Biyernes.
Wala ring tumama sa kasabay nitong draw nitong Martes na Superlotto 6/49, na ang lumabas na mga numero ay 29-07-20-35-42-39, at may premyong P15,840,000.00.
Ganoon din sa Lotto 6/42, na ang lumabas na mga numero ay 14-21-08-36-23-10, at may premyong P29,046,723.00. --FRJ, GMA Integrated News
