Nahuli-cam ang pagnanakaw ng laptop sa isang tindahan ng mga gadget sa Gilmore Avenue sa Quezon City.
Batay sa ulat ni Jonathan Andal sa Unang Balita nitong Huwebes, itinago sa palda ng isa sa mga suspek ang ninakaw nilang laptop .
Pero ang hindi nila alam, napansin ng manager ng tindahan ang pagnanakaw at agad na ipinahabol sa mga security guard ang mga magnanakaw habang papalabas ng tindahan. —LBG, GMA News
