Dalawa ang patay at isa ang sugatan sa aksidente sa Skyway na kinasangkutan ng isang sport utility vehicle (SUV) madaling-araw nitong Sabado.
Iniulat ni Mao dela Cruz sa Super Radyo dzBB na nangyari ang aksidente sa southbound na bahagi ng Skyway sa Taguig City.
Sa inisyal na imbestigasyon ng mga taga-Highway Patrol Group, bumangga ang SUV sa isang posteng bakal sa gitna ng Skyway.
FLASH REPORT: Dalawang tao, patay habang isa ang sugatan matapos bumangga ang sinasakyan nilang SUV sa poste sa bahagi ng Skyway Elevated Highway. | via Mao dela Cruz pic.twitter.com/chJrLe3P7w
— DZBB Super Radyo (@dzbb) September 3, 2022
Dakong 7:45 na ng umaga tuluyang naalis ang naaksidenteng sasakayan.
Tumanggi muna ang mga awtoridad na pangalanan ang dalawang nasawi at ang isang sugatan sa aksidente hangga't hindi pa naipagbigay-alam sa kanilang mga pamilya ang nangyari. —LBG, GMA News
