Lalaki, naputulan ng binti sa aksidente sa daan sa Quezon City

Naputulan ng binti ang isang lalaking nakiangkas sa motorsiklo ng kanyang katrabaho nitong Huwebes ng umaga.

Iniulat ni Darlene Cay sa "Unang Balita" na bumagga umano ang motorsiklong sinasakyan nina Ricky Castil at Joel Naderata sa center island ng Quirino Highway sa Quezon City.

Nakiangkas lamang umano sa Joel sa motor ng katrabaho niyang si Ricky.

Pahayag ni Ricky, may nag-swerve na kotse at na-cut sila, dahilan upang bumangga ang motor niya sa center island.

Naputol ang isang binti ni Joel at sugatan naman si Ricky.

Agad umanong nadala sa hospital ang dalawa. —LBG, GMA News