Pumanaw na ang general manager ng Metro Rail Transit-3 na si retired General Rodolfo Garcia, ayon sa Department of Transportation (DOTr) nitong Miyerkules ng gabi.
Sa inilabas na pahayag ng DOTr, pinasalamatan nila ang mga nagawa ni Garcia para mapahusay ang serbisyo ng MRT-3.
"The entire DOTr family wishes to condole with the bereaved family of Gen. Garcia. Our thoughts and prayers are with you," anang kagawaran.
"We acknowledge and highly appreciate Gen. Garcia for sharing his expertise, knowledge and leadership. We recognize his untiring effort to improve the state of the MRT-3. To Gen. Garcia, a snappy salute, Sir!" patuloy nito. "May you rest in peace."
Nitong nakaraang Enero, sinabi ni Transportation Secretary Arthur Tugade na dinapuan ng COVID-19 si Garcia at nasa intensive care unit ng isang ospital.
Bukod kay Garcia, tinamaan din ng virus si MRT3 director for Operations Michael Capati.
Inihayag din noong Enero na 36 na opisyal na kawani ng MRT-3, kabilang ang anim na nasa maintenance provider na Sumitomo-Mitsubishi Heavy Industries ang nagpositibo sa COVID-19. --FRJ, GMA News
