Nasolo ng isang mananaya ang mahigit P166 milyon na jackpot prize sa lotto 6/45 draw nitong Lunes ng gabi, Disyembre 14, 2020.
Sa website ng Philippine Charity Sweepstakes Office, nakasaad na isang mananaya lang ang nakakuha ng winning combination sa naturang draw na 34-11-06-24-25-39
Umabot ang kabuuan premyo nito sa halagang P166,546,579.20.
Samantala, wala namang nanalo sa 6/55 draw na may winning combination na 50-07-55-25-36-28, at mahigit P44 milyon ang premyo.
Kamakailan lang, isang mananaya rin ang solong tumama ng P265,353,489.60 premyo sa Superlotto 6/49 na may winning combination ay 06 - 12 - 18 - 20 - 32 - 41, ayon sa PCSO.-- FRJ, GMA News
