Matapos ang 7x platinum success ng ‘Wish I May,’ ganado si Alden Richards na sundan ito ng kanyang ikalawang album under GMA Records.

Dire-diretso at puno talaga ang schedule ng Pambansang Bae, pero wala raw siyang pagod at reklamo dahil gusto niya ang kanyang ginagawa at para raw ito sa mga naniniwala sa kanya. Heto nga at nasimulan na niyang mag-record para sa kanyang second album.

Gumagabay sa recording session ni Alden ang isa sa kanyang producers at GMA Records A&R manager na si Sir Kedy Sanchez.
 

Personal choice daw ng Pambansang Bae ang mga kantang kabilang sa kanyang sophomore album.

Parehong genre pa rin daw ang mga aawitin ni Alden. Kabilang dito ang love at religious songs.
 

Hindi pa rin makapaniwala ang Pambansang Bae sa natatanggap na suporta at pagmamahal pati na rin sa kanyang naunang album. Kaya naman, mas paghuhusayan pa niya ngayon.

Excited na ba kayong muling marinig ang tinig ni Alden? Para sa latest updates tungkol sa kanya at kanyang recording, tutok lang sa GMANetwork.com!