GMA Network 2024 Christmas Station ID now available for streaming!
Pakinggan ang full version ng 'Ganito ang Paskong Pinoy: Puno ng Pasasalamat' sa digital platforms worldwide!
Punuin natin ng pasasalamat, pagmamahal, at tuwa ang Pasko kasama ang bagong Christmas Station ID ng GMA Network.
Sabay-sabay tayong ma-LSS sa kantang "Ganito ang Paskong Pinoy: Puno ng Pasasalamat," na maaari nang pakinggan ang full version sa Spotify, Apple Music, YouTube Music, at iba pang digital platforms worldwide.
Ang 2024 Christmas Station ID ng GMA Network ay nagsisilbing paalala sa mga Kapuso ng tunay na diwa ng Paskong Pinoy.
Ito ay inawit ng mga magagaling na Kapuso artists na sina Asia’s Limitless Star Julie Anne San Jose, Aicelle Santos, Rita Daniela, Jessica Villarubin, Hannah Precillas, Mariane Osabel, Garrett Bolden, Anthony Rosaldo, Thea Astley, John Rex, at ang Sparkle's youngest P-pop group, Cloud 7.
Isinulat ang kanta nina Christine Autor, Natasha L. Correos, Joe-Edrei Cruz, Ann Margaret Figueroa, Lorraine Intes, at Samantha Toloza. Samantalang ang musika ay binuo nina Natasha L. Correos, Joe-Edrei Cruz, at Ann Margaret Figueroa.
Samantala, ipinalabas ang music video ng "Ganito ang Paskong Pinoy: Puno ng Pasasalamat" noong November 11. Maaari itong mapanood muli sa official website ng GMA Network at sa kanilang social media platforms.
