'Prinsesa Ng City Jail' soundtracks, mapapakinggan na sa music streaming services
Mapapakinggan na ang tatlong kantang gagamitin bilang soundtrack ng upcoming GMA Afternoon Prime series na 'Prinsesa Ng City Jail.'
Simula ngayong October 29, available na sa lahat ng music streaming services ang tatlong soundtrack ng inaabangang GMA Afternoon Prime series na Prinsesa Ng City Jail na pagbibidahan ni Sofia Pablo.
Binigyang buhay ni Zephanie ang "Ganito Ako Babangon", ang main theme song ng Prinsesa Ng City Jail.
Inawit ng love team na sina Sofia at Allen Ansay ang love song na "Akin Ka Na Lang" samantalang sina Jeff Moses at Mitzi Josh ang kumanta ng "Simula Pa Noong Una".
Mapapakinggan din ang minus one versions ng tatlong kanta sa album.
Ang Prinsesa ng City Jail ay tungkol sa istorya ni Princess (Sofia), isang dalaga na lumaki malapit sa city jail kasama ang kanyang adoptive jail guard father.
Magbabago ang buhay ni Princess nang makilala niya si Xavier (Allen), na siyang tutulong sa kanya na mahanap ang tunay niyang pamilya.
Bukod kina Sofia at Allen, mapapanood din sa Prinsesa Ng City Jail sina Beauty Gonzales, Denis Laurel, at Dominic Ochoa.
Pakinggan ang Prinsesa Ng City Jail soundtracks DITO.
