Mitzi Josh, kinanta ang debut single na 'Çould Get Used To You' sa GMA Playlist Live
Pakinggan dito ang live performance ni Mitzi Josh sa first single niyang "Could Get Used To You."
Talaga namang kilig at love ang hatid ng kauna-unahang single ng Kapuso Performer na si Mitzi Josh, ang "Could Get Used To You."
Noong August 16, inilabas na ni Mitzi ang debut single niya under GMA Playlist, na agad na napasama sa Top 23 ng iTunes Philippines at Fresh Finds sa Spotify Philippines.
Sa kaparehong araw, pinangiti at pinakilig ni Mitzi ang kanyang listeners sa kanyang live performance ng "Could Get Used To You" sa GMA Playlist Live.
Ayon kay Mitzi, tungkol sa "genuine love" ang "Could Get Used To You."
"The first time I’ve heard this song, I fell in love with it instantly," sabi niya.
"I still remember the kilig that I felt when I recorded the song... This song reminds us about a love that is so pure and genuine."
Maaaring mapakinggan ang "Could Get Used To You" sa lahat ng digital music platforms worldwide tulad ng iTunes, Spotify, at YouTube Music.
Panoorin ang interview ni Mitzi Josh tungkol sa debut single na "Could Get Used To You" sa video na ito:
