Mitzi Josh nang unang marinig ang 'Could Get Used To You': 'I fell in love with it instantly'
Mapapakinggan na ang debut single ni Mitzi Josh na "Could Get Used To You" sa lahat ng digital music platforms worldwide.
"Grateful" ang Kapuso performer na si Mitzi Josh sa lahat ng suportang natatanggap para sa debut single na "Could Get Used To You," na mapapakinggan na ngayon sa lahat ng digital music platforms.
Sa isang Instagram post, ipinarating ni Mitzi kung gaano siya "kasaya at excited" ngayong nailabas na ang kanyang unang love song under GMA Playlist.
"The first time I’ve heard this song, I fell in love with it instantly," sabi ni Mitzi tungkol sa kanta.
"I still remember the kilig that I felt when I recorded the song and I just can’t wait for you guys to hear it. This song reminds us about a love that is so pure and genuine. So let’s all fall in love and stream 'Could Get Used To You,'" dagdag niya.
Nagpasalamat din si Mitzi sa GMA Playlist at maging sa Sparkle GMA Artist Center na, aniya, palaging nariyan para suportahan siya.
Agad na napasama sa top 23 ng iTunes Philippines ang "Could Get Used To You" noong inilabas ito noong Biyernes, August 16. Gayundin, napabilang ang kanta ni Mitzi sa Fresh Finds sa Spotify Philippines.
Panoorin ang interview ni Mitzi Josh tungkol sa debut single na "Could Get Used To You" sa video na ito:
