Shayne Sava, natupad ang pangarap na maging isang recording artist

Hindi makapaniwala si Sparkle actress Shayne Sava na ngayon ay isa na siyang recording artist at nakapag-release na ng sarili niyang kanta.Inside link: 

Noong May 5, inilabas na ang pop ballad song na "U-Turn," ang debut single ni Shayne under GMA Playlist.

"Dream come true" para sa aktres ang magkaroon ng sariling kanta dahil noon pa man ay hilig na niya ang kumanta.

Kuwento niya, "This is a dream come true kasi singing is my first love, bukod po sa acting and dancing. So nu'ng nasabi sa akin na I am part of GMA Playlist and I'm going to sing a song tapos ilo-launch nila, sobra akong natutuwa.

"Sa bahay po, we're a family po of singers. 'Yung mga tita ko sumasali sila palagi sa mga contest tapos biritera sila. As I grow up parang namo-motivate akong kumanta kasi nakikita ko sa mga tita ko. 

"Bata pa lang po ako mahilig na akong kumanta. Noong nakapasok po ako rito sa GMA nagkakaroon po kami ng workshops sa singing so mas lalo pong nag-improve ang voice ko and I'm very happy sa naging journey ko."

Ayon kay Shayne, pinili niya ang "U-Turn" dahil nang ipresenta sa kanya ang kanta ay agad siyang nakaramdam ng koneksyon dito. 

"Actually, they presented me a lot of songs and 'U-Turn' 'yun lang 'yung tanging nag-connect sa akin and then sabi ko, 'Ang ganda ng song na 'to,' sabi ng aktres. 

Paliwanag niya, "Kasi 'U-Turn' is about whether to stay or to leave. Doon sa song, kahit nasasaktan na siya ng sobra... alam mo 'yung marupok ganoon siya, 'patuloy pa rin akong babalik sa 'yo kasi mahal kita.' Tapos kaya siya naging 'U-Turn' kasi at the end of the song nag-'u-turn' na siya sa taong paulit-ulit siyang sinasaktan. 

"It also tackles about choosing yourself. Parang ipinapakita roon sa song na dapat mong tanggalin 'yung mga toxic na bagay sa buhay mo and always choose yourself. Always choose kung saan ka magiging masaya, magiging panatag. 

"Kasi nga iba 'yung self-peace sa sarili mo, hindi lang sa environment mo kung hindi sa sarili mo rin. Kasi if you love your own self hindi ka masasaktan ng kahit na sino."

Mapapakinggan ang "U-Turn" sa iTunes, Apple Music, Spotify, at sa iba pang digital music streaming platforms worldwide. 

GET TO KNOW MORE ABOUT SHAYNE SAVA IN THIS GALLERY: