'Underage' OST, available na for streaming!
Pakinggan ang OST ng ‘Underage’ na ‘Wag Kang Matakot’ na inawit ni Kapuso singer Hannah Precillas.
Mapapakinggan na sa lahat ng audio streaming platforms ang “Wag Kang Matakot,” ang official soundtrack ng upcoming GMA Afternoon Prime series na Underage. Ang nasabing OST ay inawit ni Kapuso singer Hannah Precillas.
Ang “Wag Kang Matakot” ay tungkol sa matapang na pagharap sa anumang hamon ng buhay.
Para mapakinggan ang “Wag Kang Matakot” sa Spotify, Apple Music, at YouTube Music, bumisita lamang dito.
Samantala, sinorpresa ni Sparkle actress Lexi Gonzales ang online viewers sa naganap na Playlist Live noong January 6 ng recorded performance ng Underage theme song, kung saan nakasama niya ang kapwa lead stars na sina Elijah Alejo at Hailey Mendes.
Sa Underage, bibigyang buhay ni Lexi ang role bilang si Celine, ang panganay sa Serrano sisters.
Kuwento ng StarStruck Season 7 First Princess sa recent Playlist live, “May upcoming show [kami, ang] Underage. Mayroon kaming ginawang kanta and, of course, with GMA Playlist din. Nag-record kami ng new song together with my co-stars Elijah Alejo and Hailey Mendes.”
Abangan ang world premiere ng Underage simula January 16 sa GMA Afternoon Prime.
SAMANTALA, SILIPIN ANG BEHIND THE SCENES NG PICTORIAL NG UNDERAGE SA GALLERY NA ITO.
