Balik-Kapuso na ang “King of Talk” na si Boy Abunda na pumirma ng kanyang kontrata nitong Disyembre. Sa ilang dekada niya sa industriya, iba’t ibang tao na ang nakausap ni Boy. Pero sa Digital Exclusives ng GMA Pinoy TV, siya naman ang sumalang sa hot seat!
Ano ang requirement niya sa artistang gaganap sa kanyang life story?
“’Di ko alam eh, pero kailangan kalbo.”
Ito raw ang pinakamahirap na tanong na ibinato sa kanya: “How old are you? At hindi ko sasagutin yan.”
Sa ilang dekada niya sa industriya, meron ba siyang kinatatakutang artista?
“I’m very friendly with everyone. Wala akong maisip, hindi dahil sa hindi ako natatakot. I’m not easily intimidated. I come from nowhere, which means that I have enough tapang.”
At ano pa nga ba ang best word na makakapag-describe sa kanya?
“Unafraid.”
Dahil marami na ring nakasalamuha si Boy sa industriya, batid niya ang mga sakripisyo ng mga kapwa niya nasa showbiz. Kaya ang payo ni Boy sa mga baguhan, “Dapat masipag ka, dapat magalang ka, dapat malakas ang loob mo, dapat matapang ka at dapat gusto mo ang ginagawa mo.”
At bilang ganti sa mga bashers niya, “Hindi ko kayo binabasa. I’m old enough to know who I am, I’m old enough to know my strengths. I’m old enough to know my kalokohan. I’m old enough to know kung saan ako okay at hindi okay. So I don’t need a basher to tell me that. And I don’t subscribe to cruelty.”
Sa puntong ito ng kanyang buhay, ano kaya ang mensahe ni Boy sa kanyang biggest supporter?
“Kasama ko siya sa lahat ng taas-baba ng kuwento ng buhay ko. Mahal na mahal ko siya. In life and in death, ‘Nay, you are still my moral compass. Lahat pa rin ng mga desisyon ko na major sa buhay ko, sinasabi ko. She is the constant in my life.”
At kung meron mang mensahe si Boy sa sarili niya?
“Ganda mo!”
Abangan ang upcoming shows ni Boy Abunda sa GMA Pinoy TV! Mag-subscribe na sa GMA Pinoy TV para mapanood ang Kapuso shows overseas. Bisitahin lang ang www.gmapinoytv.com/subscribe para sa detalye.
