Angel Leighton reveals her birthday wish
Ipinagdiwang ng Sparkle actress na si Angel Leighton ang kanyang 21st birthday kamakailan.
Related content: Angel Leighton marks 21st birthday in style
Nagkaroon din ng post-birthday celebration ang mestiza beauty noong nakaraang August 11.
Sa naganap na recent TikTok Live, ibinahagi ng Walang Matigas na Pulis sa Matinik na Misis actress ang kanyang birthday wish at ito raw ay ang maging masaya.
“Ang wish ko talaga is maging masaya,” aniya.
Ayon sa Kapuso artist, mayroon siyang pinagdadaanan ngayon ngunit hindi na niya ito idinetalye.
Dagdag pa niya, “Alam 'to ng family ko. Alam 'to ng mga close friend, ko, mga bestfriend ko, na 'yun talaga 'yung number one wish ko sa birthday ko na maging masaya.”
Bukod sa pagiging masaya, isa pa sa birthday wish ng 21-year-old star na maging matagumpay sa kanyang showbiz career.
“Nagwo-workshop talaga ako. Lahat ng talents ko, pinaghihirapan ko 'yan. Nagpa-practice ako, nagre-record ako ng kanta, nagsusulat ako ng kanta para sa akin, para maging better ako,” pagbabahagi niya.
Nagbigay naman ng suporta sina Kapuso actress-host Maey Bautista at ang mga tumutok sa TikTok Live para kay Angel.
Samantala, ibinahagi rin ng aktres sa Instagram ang kanyang glamorous birthday photoshoot, kung saan suot niya ang iba't ibang stylish outfits.
Subaybayan ang role ni Angel bilang Patrolwoman Pretty Competente sa season finale ng action-comedy series na Walang Matigas na Pulis sa Matinik na Misis, Linggo, 7:15 p.m., sa GMA.
