Ysabel Ortega describes 'Voltes V: Legacy' as a milestone in PH television

Excited na si Sparkle actress Ysabel Ortega na mapanood ng lahat ang upcoming live-action adaptation series na Voltes V: Legacy.

Sa interview ng GMANetwork.com, ibinahagi ng aktres ang mga dapat na abangan ng manonood sa Voltes V: Legacy, kung saan bibigyang-buhay niya ang karakter ni Jamie Robinson.

"The whole project siguro I would say, grabe kasi," sabi ni Ysabel. "Ang gusto ko lang ding matandaan ng mga viewer natin is it's been 100 percent Filipino-made so talagang it's something to be proud of.

I"It's a milestone sa Philippine television and it's also a milestone when it comes to special effects, CGI, so it's definitely something that they should be proud of and we will be proud of."

Ibinahagi rin ni Ysabel ang pinaka-memorable na experience niya sa pagbuo ng action series, ang lock-in taping.

"Kasi grabe rin talaga 'yung bonding namin ng cast sa lock-in. Quarantine pa lang talagang they're all there for each other na. 'Di ba syempre mag-isa lang kami sa kwarto namin na nagka-quarantine so ang ginagawa namin para maging safe nagbi-video call kaming lahat," kuwento ni Ysabel.

Dagdag niya, "Nasa isang group call kami tapos sinasamahan namin 'yung isa't isa, sabay-sabay kaming lahat na nagbabasa ng script. 'Tapos, 'yun even nung taping talagang bonding kami kasi we are all in the same place, hindi kami makakauwi so syempre kapag homesick kami naroon kami para sa isa't isa."

Noong December 31, inilabas na ang five-minute mega trailer ng Voltes V: Legacy, na ngayon ay mayroon nang 4 million views sa Facebook.

Mapapanood ang Voltes V: Legacy, soon sa GMA Telebabad.

KILALANIN ANG IBA PANG CAST NG 'VOLTES V: LEGACY' DITO: