Balik tambalan nina Kylie Padilla at Ruru Madrid, pinag-usapan sa social media

By Aaron Brennt Eusebio

Published On: December 06, 2018, 11:28 AM

Updated On: December 18, 2018, 04:56 PM

Naging usap-usapan sa social media ang pagbabalik tambalan nina Kylie Padilla at Ruru Madrid sa susunod na taon.

Pagkatapos nilang gumanap bilang Sang'gre Amihan at Ybrahim sa requel ng Encantadia noong 2016, muling magsasama sina Kylie at Ruru sa TODA One I Love na hatid ng GMA News and Public Affairs.

READ: Kylie Padilla at Ruru Madrid, muling magtatambal sa 'TODA One I Love'

Excited ang lead actor na si Ruru Madrid at sinabing hindi na siya makapaghintay na makatrabaho muli si Kylie.

Marami ring na-excite na fans dahil muli silang makakakuha ng panibagong larawan ng dalawa na magkasama at hindi lang puro throwback pictures.

May iba namang nag-iisip na kung ano ang magiging takbo ng istorya. Samantala, nagpasalamat naman ang iba at muling ibinalik ng GMA ang tambalang KyRu.

Abangan ang pagbabalik ng KyRu love team sa first quarter ng 2019 sa GMA Telebabad.

Tags:

toda one i love, kylie padilla, ruru madrid, kyru