The story of 'The Write One' (Online Exclusive)

About the Show

Ang The Write One ay isang romance drama with a touch of fantasy na tungkol sa pag-ibig at mga pangarap.

Kuwento ito ng isang television writer na hindi masaya sa kasalukuyang takbo ng kanyang buhay. Mabibigyan siya ng pagkakataon na sumulat ng bagong bersiyon ng kanyang life story gamit ang isang misteryosong typewriter. Laking gulat niya nang magkatotoo ang mga isinulat niya!

May "take two" nga ba ang buhay ng isang tao? O ito na ba ang pagkakataon niyang matukoy kung ano ang tunay na mahalaga sa kanya?

Ang The Write One ay ang unang serye na bunga ng partnership deal ng GMA Network at Viu Philippines.

Mula ito sa orihinal na konsepto ni Mark Anthony Norella, habang si King Mark Baco naman ang nagsisilbing direktor nito.

Si Aeious Asin ang head writer ng serye, katuwang ang writers na sina Troy Espiritu, Riza del Rio, at Mario Banzon.

Isa itong produksiyon ng GMA Public Affairs sa ilalim nina program managers JM Cobarrubias at Jaypril Jaring at executive producers Mark Anthony Norella at Maria Ana Isabel Rodrigo.