SB19 Pablo, proud na proud sa 'The Voice Kids' mentee na si Nevin Garceniego

Sa tagumpay nagtapos ang bawat hamon na tinahak ng The Voice Kids winner na si Nevin Adam Garceniego.

Kaya proud na proud sa kanya ang coach at mentor niyang si Pablo matapos siyang manalo sa Kapuso musical competition.

Ika ng SB19 member, "Unang-una sa lahat, deserving po sila lahat manalo pero gusto ko sabihin kay Nevin na proud na proud talaga ako sa kanya kasi nakita ko 'yung improvement n'ya."

Tingnan ang winning moment ni Nevin sa The Voice Kids:

Nagbigay din advice si Coach Pablo kay Nevin ngayong simula pa lang ito ng pagiging isang ganap niyang mang-aawit.

Mensahe niya sa The Voice Kids winner, "Alam kong deserve mo 'to. Alam kong ginagalingan mo sa lahat ng ginagawa mo pero 'wag mo kakalimutan 'yung moment na 'to, 'yung journey mo with these kids, and 'yung mga natutunan mo. Lahat 'yun babaunin mo kasi malayo pa 'yung pupuntahan mo, so galingan mo palagi."

Bilang grand champion ng The Voice Kids, makakapag-uwi si Nevin ng one million pesos in cash, recording and management contract under UMG Philippines, at brand new house and lot mula sa Vista Land.

Ang finalists naman na sina Wincess Yana, Makmak Punay, at Hebron Ecal ay may consolation prize na Php 100,000.

Samantala, inanunsyo rin sa The Voice Kids kagabi na muli itong mapapanood sa GMA sa susunod na taon.