Rex Baculfo, hindi inakalang mananalo sa 'The Clash 2023'

By Jansen Ramos

Published On: May 30, 2023, 10:19 AM

Hindi pa rin makapaniwala ang bagong kampeon ng The Clash na si Rex Baculfo na siya ang nagwagi sa kompetisyon.

Kagabi, May 28, itinanghal siyang grand winner ng The Clash 2023, ang ikalimang season ng GMA talent show, matapos silang maglaban ni Arabelle Dela Cruz sa final one-on-one clash.

Parehong nagpakita ng kahusayan ang dalawang magkatunggali pero nagkaalaman nang inawit nila ang "Oras Ko 'To," isang original piece na sinulat ng The Clash judge na si Christian Bautista, na bagay sa timbre ng boses ng simpatikong bokalista.

Sa Facebook post ni Rex, abot-abot ang kanyang pasasalamat matapos niyang masungkit ang titulo.

"This is all for God's glory! To God be the glory! THANK YOU LORD!!!

"A dream come true! A dream that I never thought would happen!!," panimula ni Rex.

Isang malaking blessing para kay Rex ang kanyang pagkapanalo. Bukod sa cash prize at house and lot, nanalo rin siya ng management contract with GMA kaya mas maraming oportunidad para sa kanya na makapag-perform at makapag-entertainment ng audience.

"Ang lagi ko lang po sinasabi sa sarili ko dati ok lang yan rex, basta meron kang napapasayang tao sa bawat performance mo sobrang blessing na yun sayo! Pero LORD you gave me this! And I promise to always do this for YOU! For your glory!!" dugtong ni Rex.

Tumigil na si Rex sa pagkanta noon pero bumalik pa rin siya sa kanyang first love. At ngayon, may malaking bonus pang kasama dahil kikilalanin na siya bilang pinakabagong mang-aawit ng GMA.

Kilalanin pa ang bagong The Clash grand champion:

1 of 10

Rex Baculfo

Si Rex Baculfo ay taga-Caloocan City. Siya ay 27 years old.

2 of 10

Family

Bunso si Rex sa limang magkakapatid.

3 of 10

Childhood

Mulat sa kahirapan si Rex. Naranasan nilang tumira ng kanyang pamilya sa squatters area.

4 of 10

Love for singing

Bata pa lang, nakitaan na siya ng kanyang ina ng talento sa pagkanta.

5 of 10

Singing contests

Madalas na sumasali sa singing contests noon si Rex pero lagi siyang nabibigong manalo. May panahon ding pinatigil siya ng kanyang ina sa pagsali sa mga ito.

6 of 10

Australia

Nangibambansa si Rex at nagtrabaho sa Australia.

7 of 10

Livestreaming

Tumigil man sa pagkanta, nakahanap ng bagong platform si Rex para i-share ang kanyang talento sa pamamagitan ng livestreaming.

8 of 10

Song covers

May sarili ring YouTube channel si Rex kung saan niya ina-upload ang kanyang song covers.

9 of 10

Looks

Bukod sa talento, kapansin-pansin din ang artistahin looks ni Rex, kaya naman hindi rin naiwasan ng 'The Clash' judge na si Aiai Delas Alas na magka-crush sa kanya.

10 of 10

Balladeer

Binansagan si Rex bilang "simpatikong bokalista" ng 'The Clash 2023.'

Tags:

rex baculfo,the clash,the clash 2023,grand champion,winner

Comments