Kakai Bautista, pakikiligin nina Mark Rivera, Jose Sarasola, at Austin Cabatana sa 'TBATS'

Iinit ang Sunday nights n'yo kasama ang certified baes sa isang fun-filled dating game sa The Boobay and Tekla Show.

Ngayong Linggo (August 13), sasalang ang actress-comedienne na si Kakai Bautista sa 'Pusuan Na 'Yan,' kung saan tatlong hunks ang susubukan na mapabilib ang komedyana gamit ang kanilang wit and wisdom.

Kakai Bautista redefines sexiness in these striking beach photos

Sino kaya kina Unbreak My Heart cast member at model Mark Rivera, Kapuso celebrity chef Jose Sarasola, at Mister International Philippines 2023 Austin Cabatana ang makakaakit sa puso ni Kakai?

Imo-moderate ni Boobay ang naturang laro kasama ang stand up comedian at dating Mema Squad member na si Ian Red.

Samantala, mami-meet na kaya ni Kakai ang kanyang crush na si Coach Stell ng The Voice Generations?

Huwag palampasin ang exciting episode ng The Boobay and Tekla Show ngayong Linggo (August 13), 10:05 p.m., sa GMA at Pinoy Hits, at sa oras na 10:45 p.m. sa GTV.