Jaclyn Jose, Kate Valdez at Nikki Co, magsasama-sama sa 'Tadhana'
Around GMA
Around GMA
Angelica Panganiban says her favorite Glaiza De Castro role is being her best friend Iloilo City LGU to sue man for chopping down trees in Jaro 900 pamilya sa Albay na apektado ng Bulkang Mayon, hinatiran ng tulong ng GMAKF | 24 OrasArticle Inside Page
Showbiz News
Pamilya o pag-ibig? Makakaya ba ng isang lalaki na itakwil ang kanyang mga baklang kapatid para lang sa pagmamahal niya sa isang babae na may homophobic na tatay?
Maaga mang pumanaw ang padre de pamilya ng pamilya Kupkupin, hindi naman nagkulang si Teresa (Jaclyn Jose), dating OFW, sa pagpapalaki sa kanyang mga anak.
Para sa bunso niyang si Philip (Nikki Co), hindi malaking isyu na ang dalawa niyang nakatatandang kapatid na sina China (Alchris Galura) at Saudi (Prince Stefan) ay pawang mga bading.
Hindi niya akalain na ang nobya niyang si Pia (Kate Valdez) ang magiging dahilan kung bakit masusubukan ang tibay ng kanilang pagsasamang magkakapatid!
Ang ama kasi ni Pia na si Elton (Jeffrey Santos) ay homophobic o 'yun bang tila may galit sa mga bading.
Aaminin kaya ni Philip sa biyenan-niyang-hilaw na sina China at Saudi ay mga kapatid niya? O mapipilitan ba siyang itanggi at talikuran ang pamilya para sa pagmamahal niya kay Pia?
Samahan si Primetime Queen Marian Rivera sa isang feel-good, nakakatawa at nakakaantig na two-part special ng Tadhana GMA na pinamagatang "BEKIRY", ang PART 1 ngayong Sabado, March 20, 3:15 p.m. sa GMA-7! #TadhanaBekiry
