Ano ang dapat abangan sa bagong show ni Marian Rivera na 'Tadhana?'

Photo by: Mike Paunlagui, GMA NEtwork Inc.

Sa interview ni Lhar Santiago para sa 24 Oras, naikuwento ni Marian kung bakit dapat panoorin ng mga Kapuso viewers ang Tadhana.

Aniya, "Siguro ang maganda dito sa Tadhana, mas ma-a-appreciate nila 'yung mga tao na pumupunta sa ibang bansa para i-sakripisyo ang sarili nila para sa minamahal nila."

Ika pa ni Marian maraming istoryang makakaantig sa puso ng mga manonood ang ipapalabas sa Tadhana.

Dagdag pa niya, "So, ang gandang kwento na bigyan natin ng halaga yung mga kababayan nating OFW, na ito 'yung buhay nila, at dapat saludo talaga tayo sa kanila sa ginagawa nila para sa pamilya nila."