Valerie Concepcion at Allen Dizon, tampok sa 'Tadhana: Buongiorno Pag-ibig'

Sa Tadhana: Buongiorno Pag-ibig, ang pinagkamalang magnanakaw ng Pinay OFW na si Sophie (Valerie Concepcion), siya palang tutulong sa kaniya sa oras ng pangangailangan.

Sa tulong ni Marcello (Allen Dizon), isang Pinoy cook, nakatakas si Sophie mula sa kanyang mapang-abusong amo. Ito rin ang naging dahilan para mapalapit at mahulog ang kanilang loob sa isa't isa.

Pero ang pag-ibig na kanilang natagpuan sa Italya, paano tatanggapin ng kanilang mga anak sa Pilipinas?

Abangan ang pinakabagong kuwento ng Tadhana: Buongiorno Pag-ibig ngayong Sabado, 3:15 p.m. sa GMA-7 at sa GMA Public Affairs' Facebook and YouTube livestream.