Boy2 Quizon recalls Jeric Gonzales being shy on the set of 'Start-Up Ph'
Ahead of the finale of Start-Up Ph, Boy2 Quizon looked back on his friendship with cast members Jeric Gonzales and Royce Cabrera started at their taping.
Boy2, Jeric, and Royce portrayed Willson, Dave, and Jeff, respectively, the three founders of Three Sons Tech.
"Nung umpisa, napansin ko, especially Jeric, si Royce 'yung pinaka-unang nag-approach, e. Magkasama kami nung briefing nung characters sa Zoom, so una kaming tatlo 'yun, e, ako, si Kim [Domingo], si Royce," pagbabalik-tanaw ni Boy2 nang makausap ng GMANetwork.com sa pictorial ng bago niyang serye na The Seed Of Love.
"Sabi ko, makaka-jam ko tong tao (Royce) na 'to, ganyan. Si Jeric naman, nung umpisa, sobrang nahihiya, nahihiya siya sa lahat, especially, siyempre 'yung character niya, love interest mo, Bea [Alonzo] ba naman, 'di ba? Tapos may Alden ka.
"'Yung nire-require ng character namin, gago-gago lang din sa umpisa, e, tipong walang direksyon pero may solid tightness 'tsaka bond 'yung TST, 'di ba? So, ginawa namin para maging sobrang natural 'yung setup namin, gumawa kami ng mga way na kailangan natin ilabas 'to, bonding tayo after taping para hindi natin ma-feel 'yung [awkwardness.]
"'Tsaka nakita ko kasi na talagang uptight siya sa sarili niya, uptight siya, siyempre kinakabahan, especially nung first week namin."
Hindi nagtagal, naging magkakaibigan na rin sina Boy2, Jeric, at Royce sa likod ng kamera kaya naman naging maayos rin kung paano nila gampanan ang kanilang mga karakter.
"Ang ganda kasi lumabas kaagad, kitang-kitang na na-impluwensyahan ko kaagad 'yung dalawa, 'di ba? Lumabas 'yung pagka-bugoy niya hanggang nahawa na namin lahat," saad ni Boy2.
Bukod sa pagtatrabaho, minsan ay lumalabas din sina Boy2, Jeric, at Royce para mag-gym at mag-bonding.
"Talagang naging barkada kami, nakakatuwa kasi hanggang ngayon, ganun kami, e. Active pa rin 'yung group namin, e," pagtatapos ni Boy2.
"Actually pati si Kim, pati si Bea, nami-miss namin 'yung bonding namin sa tagal rin naming nagsama-sama for that one kasi eight months din kaming magkakasama.
"'Yun 'yung maganda, masarap 'yung feeling na ganun e, na kahit alam mo naman na we always have to move on to the next one, to the next soap, pero ito, ang saya kasi naging pamilya na rin kahit papaano."
Mapapanood ang huling dalawang episodes ng Start-Up Ph, 8:50 p.m. sa GMA Telebabad.
SAMANTALA, TINGNAN ANG LIFE LESSONS NA ITINURO NG START-UP PH DITO:
