James Blanco, na-enjoy makatrabaho sina Gabbi Garcia at Julie Anne San Jose sa 'SLAY'
Around GMA
Around GMA
Chris Pratt takes audiences along on immersive AI journey in 'Mercy' 900 pamilya sa Albay na apektado ng Bulkang Mayon, hinatiran ng tulong ng GMAKF | 24 Oras Rider who obstructs firetruck in Bacolod City identifiedArticle Inside Page
Showbiz News
Gumaganap si James Blanco na ama ng mga karakter nina Gabbi Garcia at Julie Anne San Jose sa 'SLAY.' Ano kaya ang masasabi niya sa dalawang aktres?
Masayang ibinahagi ni James Blanco ang masasabi niya sa mga anak-anakan na sina Gabbi Garcia at Julie Anne San Jose sa murder mystery series na SLAY.
Sa exclusive interview ng GMANetwork.com, sinabi ni James na ito ang unang pagkakataon na nakatrabaho niya sina Gabbi at Julie Anne sa isang serye, at na-enjoy niyang makatrabaho ang dalawang aktres.
"Naku, makulit. Ang pinaka makulit kong anak si Gabbi. Makuwento si Gabbi. Si Julie naman, medyo tahimik. Opposite talaga sila, parang character din nila," sabi ng aktor.
Dagdag niya, "Si Gabbi, masarap katrabaho dahil ang dami naming kuwentuhan. Si Julie din... kahit first time ko lahat sila nakasama parang ang tagal ko na silang nakasama."
Sa SLAY, gumaganap si James bilang Hector, ang ama ng step-sisters na sina Amelie (Gabbi) at Liv (Julie Anne).
Samantala, ibinahagi rin ni James ang masasabi niya sa aktres na si Phoemela Baranda na gumaganap bilang Margarita at asawa niya sa SLAY.
"Ngayon kasi mas nakakapag-usap kami, before kasi parang hindi kami masyadong nagkikita sa set. Ngayon, madalas kaming nag-uusap, nagse-share kami sa character.
"Very professional si Ms. [Phoemela] sa trabaho. Magaan kasama sa set. Lahat naman ng mga kasama ko, magaan sa set."
Abangan si James Blanco bilang Hector sa SLAY, Lunes hanggang Huwebes, 9:30 p.m. sa GMA Prime.
MAS KILALANIN ANG CAST NG SLAY SA GALLERY NA ITO:
