Gabbi Garcia, nagugulat sa mga eksena ni Amelie sa 'SLAY'
Aminado si Gabbi Garcia na kung minsan ay nagugulat siya sa mga eksena sa murder mystery series na SLAY.
Napapanood na si Gabbi sa SLAY bilang Amelie, ang mayamang half-sister ni Liv (Julie Anne San Jose). Isa siya sa suspek sa pagkasunog at pagkamatay ng fitness influencer na si Zach (Derrick Monasterio).
"They call me A here or Amelie Baltazar. I'm an interior designer. I came from a very well-off family. And, kahit na well-off kami, her life isn't really 100 percent. Kasi her biggest trauma and her trigger is her mom," sabi ni Gabbi sa exclusive interview ng GMANetwork.com.
"She's a very strong willed, driven girl boss to the point na minsan masyado na s'yang harsh to people. And, especially, people below her. Minsan kailangan s'yang i-slap into reality, na not everything is easily acquired," paliwanag ng aktres sa kanyang karakter.
Nang tanungin kung na-challenge ba siya sa role sa SLAY, sagot ni Gabbi, "I feel like more on nakakapaglaro ako. It's really, paano ko ba mas iibahin 'tong eksenang 'to versus the other scenes that we took.
"Kasi 'yung character ko matapang talaga, na minsan kahit ako nashu-shook sa mga lines niya. Pero, it's really the challenge of spicing things up. Mas nakakapaglaro ako rito. I can really explore. Say what I wanna say, because ganu'n 'yung character ko. Hindi siya careful."
Ibinahagi rin ni Gabbi ang pagkakatulad niya kay Amelie. Aniya, "I feel like we're both goal-oriented. We're very much driven."
Kasama ni Gabbi sa SLAY ang iba pang lead stars na sina Mikee Quintos bilang Sugar, Ysabel Ortega bilang Yana, at Julie Anne San Jose bilang Liv, maging ang Kapuso hunk actors na sina Derrick Monasterio bilang Zach at Royce Cabrera bilang Juro.
Ilan pa sa mga bituin na bumubuo sa serye ay sina James Blanco, Tina Paner, Bernard Palanca, Phoemela Baranda, Chuckie Dreyfus, Simon Ibarra, Jay Ortega, Gil Cuerva, at Nikki Co.
Subaybayan ang SLAY, Lunes hanggang Huwebes, 9:25 p.m. sa GMA Prime. Maaari rin itong i-stream sa YouTube via Kapuso Stream.
Panoorin ang buong interview ni Gabbi Garcia sa Kapuso Showbiz News:
