Gabbi Garcia, excited nang mapanood ng lahat ang murder mystery series na 'SLAY'

Magsisimula na ngayong Lunes (March 24) ang imbestigasyon sa pagkasunog at pagkamatay ng fitness influencer na si Zach (Derrick Monasterio) sa pinakabagong murder mystery series na SLAY.

Apat na babae ang prime suspects: sina Amelie (Gabbi Garcia), Sugar (Mikee Quintos), Yana (Ysabel Ortega), at Liv (Julie Anne San Jose).

Sa media conference ng GMA para sa SLAY, ipinarating ni Gabbi Garcia ang excitement na mapanood na ng lahat ang SLAY.

"I'm happy that it's airing during March, women's month, and sakto na four girls kami for SLAY, sabi ni Gabbi sa interview kay Lhar Santiago ng 24 Oras.

"And, I'm just really excited for the audience to see the other side of our characters, kung paano namin gagawin 'tong murder mystery. Ngayon maiiba naman 'yung tingin ng tao sa four girls na 'to," dagdag niya.

RELATED CONTENT: Here's what happened at the GMA media conference for 'SLAY'

Bukod kina Mikee, Ysabel, at Julie Anne San Jose, makakasama ni Gabbi sa SLAY sina Derrick Monasterio, Royce Cabrera, James Blanco, Tina Paner, Bernard Palanca, Phoemela Baranda, Chuckie Dreyfus, Simon Ibarra, Jay Ortega, Gil Cuerva, at Nikki Co.

Abangan ang TV premiere ng SLAY ngayong Lunes, March 24, 9:25 p.m. sa GMA Prime. Maaari rin itong i-stream sa YouTube via Kapuso Stream.

Panoorin ang trailer ng SLAY sa video na ito: