Chuckie Dreyfus, grateful sa sunod-sunod na projects sa GMA; mapapanood sa 'SLAY'
Matapos ang dalawang taong proyekto sa Abot-Kamay Na Pangarap, mapapanood naman ngayon si Chuckie Dreyfus sa pinakabagong murder mystery series na SLAY.
Sa exclusive interview ng GMANetwork.com, ipinarating ni Chuckie kung gaano siya ka-blessed sa sunod-sunod na proyektong dumarating sa kanya, at ang excitement para sa bagong show.
"I feel very blessed to have the opportunity to work nang tuloy-tuloy sa GMA. Napakalaking blessing, napakalaking opportunity," sabi ng aktor.
"Well, I don't take it for granted talaga. Coming from a two-year show, which is 'Abot-Kamay na Pangarap,' now going to a very different show naman na equally challenging, at the same time, very meaty with a wonderful cast and production crew, I'm very excited and looking forward to [work and shoot]," dagdag niya.
Ibinahagi rin ni Chuckie ang unang naging reaksyon nang mabasa ang script ng SLAY.
"For me, I love murder mystery kasi talaga. And, when I red the script maganda 'yung premise. Marami namang murder mystery shows tayong nakikita on streaming, free-to-air, and this one, personally, for me iba 'yung timpla niya.
"Maganda 'yung may dynamics kasi na makikita ka roon sa apat na magkakaibigan. At the same time, it makes you think.
"Kumbaga, it's a thinking show, but at the same time parang ayaw mo matapos dahil gusto mo lumipat kaagad sa susunod na episode dahil gusto mong mag-progress kaagad para malaman mo na talaga. Iyon ang nagustuhan ko sa kanya."
Sa SLAY, makikilala si Chuckie bilang Charlie, ama ni Yana, na pagbibidahan ni Ysabel Ortega.
Bukod kay Ysabel, makakatrabaho rin ni Chuckie sa murder mystery drama ang iba pang lead stars na sina Gabbi Garcia, Mikee Quintos, at Julie Anne San Jose.
Ilan pa sa star-studded cast ng SLAY ay sina Derrick Monasterio, Royce Cabrera, James Blanco, Tina Paner, Bernard Palanca, Phoemela Baranda, Simon Ibarra, Jay Ortega, at Gil Cuerva.
Abangan ang SLAY simula March 24, 9:25 p.m. sa GMA Prime.
Panoorin ang teaser ng GMA Network para sa SLAY rito:
TINGNAN ANG NAGANAP NA MEDIA CONFERENCE NG SLAY SA GALLERY NA ITO:
