Mikee Quintos, excited na bumida sa isang murder mystery; nag-audition sa 'SLAY'
Ipinarating ni Mikee Quintos ang excitement na gampanan ang kanyang karakter sa pinakabagong murder mystery series na SLAY.
Sa naganap na media conference ng Viu para sa SLAY, ikinuwento ni Mikee na nag-audition siya sa SLAY.
"I actually auditioned. I sent two. Nag-record lang ako sa bahay ng dalawang characters. I auditioned for Gabbi and Ysabel's characters," sabi ng aktres.
Ani Mikee, natuklasan niya sa mga nagdaang role na ang kahinaan niya ay "anger." Kaya naman isang oportunidad para sa aktres ang pagbibidahang karakter sa SLAY bilang Sugar para mas mahasa pa sa kanyang craft.
"Gusto kong i-stretch 'yung instrument ko. Like, gusto kong ma-challenge, gusto kong mag-try ng mga mahirap na bagay, lalo na 'yung hindi ako komportable. Nahanap ko with my past projects na weakness ko ang anger sa lahat ng emosyon. Nanggigigil ako na weakness ko siya.
"So, gusto ko siyang makuha sa show na ito. Gusto kong maaral kung paano ko siya titimplahin. And, through this opportunity that Viu and GMA trusted me with, I feel like it's the best way to stretch my instrument as an actor and find a new side of myself na kaya kong ipakita pa.
"Malalim 'yung backstory ni Sugar if you get to know her character. Makikita niyo rin na iba-iba 'yung reasons, 'yung puso namin kung ano 'yung motivation namin or connection with Zach (Derrick Monasterio)," dagdag niya.
Kasama ni Mikee sa lead cast sina Gabbi Garcia, Ysabel Ortega, at Julie Anne San Jose.
Ilan pa sa mahuhusay na artista na bubuo sa SLAY ay sina Derrick Monasterio, Royce Cabrera, James Blanco, Tina Paner, Matet de Leon, Bernard Palanca, Phoemela Baranda, Chuckie Dreyfus, Simon Ibarra, Jay Ortega, at Gil Cuerva.
Mapapanood na ang SLAY sa Viu Original simula March 3 at GMA Prime sa March 24.
Panoorin ang full trailer ng Viu Original para sa SLAY sa video na ito:
SAMANTALA, TINGNAN ANG NAGANAP NA MEDIA CONFERENCE NG SLAY SA GALLERY NA ITO:
