Si Ysabel ay isang single mother kay Maymay. Nagtatrabaho siya bilang personal assistant ni Scarlet, isang dating beauty queen na pinakasalan si Javier dahil sa pera. Hindi mabibigyan ni Scarlet ng anak ang asawa kaya kinumbinsi niya ito na kumuha sila ng surrogate mother. Alam ni Scarlet na kailangan ni Ysabel ng pera dahil may leukemia si Maymay, kaya madali niya itong napapayag sa kanyang plano.

Sa kasamaang palad, pumanaw si Maymay habang ipinagbubuntis ni Ysabel ang magiging anak nina Scarlet at Javier, si Maya. Dahil sa malubhang kalungkutan, itatakas ni Ysabel si Maya at papalakihing parang tunay niyang anak.

Hanggang kailan itatago ni Ysabel ang katotohanan kay Maya? Ano ang gagawin ni Ysabel kapag nahanap siya ni Scarlet? Ibabalik ba niya o ipaglalaban si Maya?