Hula ni Kokoy de Santos sa Charades relay, kinaaliwan ng mga netizen
Sumakit din ba ang tiyan n'yo sa katatawa sa naging sagot ng Sparkle heartthrob na si Kokoy de Santos sa intense "Charades Relay" mission sa pagpapatuloy ng Territory Race sa Running Man Philippines noong Sabado, October 15.
Goal ng Blue Team na binubuo nina Kokoy, Lexi Gonzales, at Buboy Villar na makakuha ng missing puzzle piece para sa kanilang Philippine map to win the race.
Pero mukhang naging challenge sa kanila ang Charade Game.
Isa sa mga pinahulaan sa kanilang ang salita na “gumigiling na baboy”--todo ang effort nina Buboy at Lexi para i-arte ang word at mahulaan ni Kokoy, pero mukhang iba ang nasa isip ng guwapong binata at sumagot ng “samgyupsal.”
Hit na hit sa TikTok ang eksena na ito sa Running Man Philippines, na may mahigit sa 2.3 million views na.
@gmarunningmanph From baboy na gumigiling to samgyup? Gutom yarn, Kokoy? #RunningManPH #GMA ♬ original sound - GMARunningManPH
Kahit ang mga netizen, humagalpak sa kakatawa sa naging sagot ni Kokoy sa Charade Relay.
Balikan ang mga funny moments ng Blue Team sa Running Man Philippines sa video below!
KILALANIN ANG CELEBRITY RUNNERS SA GALLERY NA ITO:
