Dingdong Dantes, Mikael Daez, Megan Young, Rhian Ramos, and other stars at 'Royal Blood' grand media conference
Kasado na ang pagbabalik primetime ni Dingdong Dantes sa pinakamalaking suspenserye ng GMA ngayong taon, ang Royal Blood.
Simula June 19, mapapanood na sa GMA Telebabad ang bagong murder mystery drama na Royal Blood, mula sa lumikha ng hit suspense series na Widows' Web at sumasailalim sa direksyon ni Direk Dominic Zapata.
Sa Royal Blood, makikilala si Dingdong bilang Napoy, ang illegitimate child ng business tycoon na si Gustavo Royales (Tirso Cruz III) at isang mapagmahal na single father sa babae niyang anak na si Lizzie (Sienna Stevens). Sinisikap niyang maibigay ang pangangailangan ng anak sa pagtatrabaho bilang isang motorcycle rider. Naging kumplikado ang lahat kay Napoy nang maging prime suspect siya sa pagkamatay ng ama.
Kilalanin ang mga bumubuo sa Royal Blood sa naganap nilang Grand Media Conference noong Biyernes, June 9 sa gallery na ito:
Royal Blood
Excited na humarap sa entertainment press ang cast ng murder mystery drama na Royal Blood sa kanilang Grand Media Conference noong Biyernes, June 9.
Dingdong Dantes
Sa kauna-unahang pagkakataon bibida sa isang murder mystery drama si Kapuso Primetime King Dingdong Dantes.
Primetime
"Parang kailan lang nag-uumpisa pa lang kami tapos ito na mag-uumpisa na talaga sa tv, happy kami na finally malalabas na namin," pagbabahagi ni Dingdong Dantes sa nalalapit na world premiere ng Royal Blood.
Cast
Kasama sa star-studded na cast ng Royal Blood sina Megan Young, Mikael Daez, Dion Ignacio, Lianne Valentin, Rabiya Mateo, at Rhian Ramos. Sa natatanging pagganap ni Tirso Cruz III bilang Gustavo Royales. Kasama rin sina Ces Quesada, Benjie Paras, Carmen Soriano, Arthur Solinap, James Graham, Aidan Veneracion, Princess Aliyah, at Sienna Stevens.
Creative team
Bumubuo sa creative team ng Royal Blood, na sila ring lumikha sa hit suspense drama na Widows' Web, ang concept creators na sina RJ Nuevas at Ken De Leon, brainstormer Louize Alsheri, writers Glaiza Ramirez, Jimuel Dela Cruz, Abner Tulagan, Head Writer Obet Villela, creative consultant RJ Nuevas, content development consultant Ricky Lee, at creative director Aloy Adlawan.
Production
Sa pamumuno ni GMA Senior Vice President for Entertainment Group Lilybeth G. Rasonable; Vice President for Drama Productions Cheryl Ching-Sy; Assistant Vice President for Drama Helen Rose S. Sese; Senior Program Manager Redgynn Alba; Senior Executive Producer Winnie Hollis-Reyes; Associate Director Aya Topacio; Senior Associate Producer Ched Sto. Tomas; Junior Associate Producer Kara Marie Uligan; Production Coordinator Jopam Marquez; at Program Administrator Erich Maca.
Dominic Zapata
Ang Royal Blood ay sumasailalim sa direksyon ng esteemed director na si Dominic Zapata.
Megan Young
Ayon kay Megan Young, tinanggap nila ni Mikael Daez ang roles sa Royal Blood dahil magkakasama sila at sa cast na makakatrabaho nila sa serye.
Mikael Daez
"Fun and fulfilling" para kay Mikael Daez ang pagganap sa role niya bilang Kristoff Royales sa Royal Blood. Sabi niya, "We are all enjoying. The genre is very different. Para sa akin this is the first time being part of a show that is a murder mystery."
Mikael Daez and Megan Young
Bilang mag-asawa, ani Megan, natutuwa siya na nadadala nila ni Mikael ang dynamic na ito sa kanilang mga karakter sa Royal Blood, kung saan gumaganap din silang mag-asawa na sina Diana at Kristoff Royales.
Dion Ignacio
"Proud at thankful" si Dion Ignacio sa pagkakataon na ibinigay sa kanya na mapasama sa cast ng Royal Blood.
Lianne Valentin
Exciting para kay Lianne Valentin ang Royal Blood dahil, aniya, ito ang unang pagkakataon na mae-experience niya ang isang murder mystery na show.
Rabiya Mateo
"Thankful at blessed" si Miss Universe Philippines 2020 Rabiya Mateo na mapasama sa cast ng Royal Blood. Sabi niya, "Grabe po siguro 'yung pressure kasi ako po 'yung pinakabago rito. And nagpapasalamat po ako sa production because they allow me to become a beginner. They allow me to make a mistake and 'yung feedback na 'yun that pushes me to really be better."
Rhian Ramos
Para kay Rhian Ramos, nae-enjoy niya ang pagganap sa role bilang Margaret Royales, pangalawang anak ng business tycoon na si Gustavo Royales.
Gray character
"I'm really enjoying the character that I'm portraying, Margaret. I absolutely love having a gray character because I honestly believe in real life all people are gray. I love the challenge and the intensity na kailangan naming makuha with every scene. I love that she is feisty and alam mo 'yun kakaiba," sabi ni Rhian Ramos sa karakter niya sa Royal Blood.
Tirso Cruz III
Exciting para sa multi-awarded actor na si Mr. Tirso Cruz III ang kuwento ng Royal Blood. Sabi niya, "Kasi nu'ng sinabi nilang, 'Mamatay ka riyan, silang lahat magiging suspect,' isa lang 'yung tinago sa akin kung sino nga 'yung papatay. Ako inisip ko e' kahit nu'ng magkakaeksena kami, 'Sino kaya sa kanila talaga 'yung papatay sa akin?'"
Benjie Paras
Masaya ang aktor at komedyanteng si Benjie Paras sa pagbabalik teleserye at muling makatrabaho si Dingdong Dantes. Sa Royal Blood, makikilala si Benjie bilang Otep, ang BFF at takbuhan ni Napoy (Dingdong) sa lahat ng bagay.
Arthur Solinap
Nakilala bilang detective Emil sa Widows' Web, muli itong gagampanan ni Arthur Solinap sa murder mystery drama na Royal Blood.
James Graham
Ang Royal Blood ang unang big project ni James Graham sa GMA. Sa serye, makikila siya bilang Louie.
Aidan Veneracion
Challenging ang role na gagampanan ni Aidan Veneracion sa Royal Blood kung saan gaganap siyang Archie, anak nina Diana (Megan Young) at Kristoff (Mikael Daez) na mayroong autism spectrum disorder (ASD).
Sienna Stevens
Ang child actress na si Sienna Stevens ang gaganap sa role ni Lizzie, anak ni Napoy, na pagbibidahan ni Kapuso Primetime King Dingdong Dantes.
Aidan, Princess, and James
Abangan ang Sparkle stars na sina Aidan Veneracion, Princess Aliyah, at James Graham bilang Archie, Anne, at Louie sa Royal Blood.
Reunion
Isang reunion project para kay Dingdong Dantes ang Royal Blood dahil karamihan sa cast nito ay nakasama na niya sa mga naunang proyekto.
Booth
Hindi pinalagpas ng cast na makapagpa-picture sa mga inihandang photo booth sa media conference ng Royal Blood.
