Rhian Ramos grateful for viewers' overwhelming support for 'Royal Blood'

Napuno ng pasasalamat si Rhian Ramos sa walang sawang suportang natatanggap ng Royal Blood mula simula hanggang sa nalalapit na pagtatapos nito.

Sa last taping day ng Royal Blood noong September 13, ibinahagi ng Sparkle actress ang pasasalamat sa manonood.

"Royalistas, thank you so much na sinamahan n'yo kami gabi-gabi. We are so grateful that every night you reacted and you watch. You help us solve the mystery kung sino ba ang pumatay kay Gustavo Royales," sabi ni Rhian.

Pagpapatuloy niya, "We really appreciate all of your reactions that you gave us everyday. We felt so connected to you guys. Napag-uusapan namin kayo actually on the set. Lahat ng mga hula n'yo, 'yung mga paghihinala n'yo kung sino ang pumatay... may mga sarili kayong conspiracy theories and we loved it. Thank you so much for giving us a moment of your night."

Bukod sa pasasalamat, ibinahagi rin ni Rhian kung gaano niya mami-miss ang cast at crew ng Royal Blood.

"I will miss the people, the whole team. How much every single person here gave to this project kasi lahat talaga nag-contribute ng the most na they could possibly do. Everyone's creativity from my scene partners to 'yung mga gumagawa ng set to 'yung mga damit and makeup, and all of the looks. All of those kasi contribute so much to the story and I'm grateful.

"Everyone really was so generous with the amount of effort and time that they put into this, and I'm gonna miss that. I'm gonna miss how united we all work for this project."

Ilan sa mga aktor na kasama ni Rhian sa Royal Blood ay sina Kapuso Primetime King Dingdong Dantes, Megan Young, Mikael Daez, Lianne Valentin, Dion Ignacio, at Rabiya Mateo.

Sa hit murder mystery series, binibigyang-buhay ni Rhian ang religious at conservative na karakter ni Margaret.

Noong Lunes (September 18) sa Royal Blood, inamin na ni Margaret na siya ang pumatay kay Gustavo Royales (Tirso Cruz III). Pero marami pa kayong dapat na malaman. Totoo kayang may kasabwat si Margaret sa pagpatay kay Gustavo? At sino naman kaya iyon?

Patuloy na subaybayan si Rhian sa huling apat na gabi ng Royal Blood, 8:50 p.m. sa GMA Telebabad.