Ashley Ortega, mapapanood bilang Jackie Sagrado sa 'Royal Blood'
Natupad ang pabirong hirit kamakailan ni Kapuso actress Ashley Ortega na makabisita sa Royal Blood bilang Jackie Sagrado, ang pinagbidahan niyang karakter sa hit suspenserye na Widows' Web.
Una nang napanood sa action-packed family drama ang Widows' Web co-star niyang si Vaness del Moral bilang Hillary Suarez, kung saan bumisita ito bilang kaibigan ng karakter ni Rhian Ramos na si Margaret.
Noong Lunes, July 10, ipinakita ni Ashley ang ilang kuha mula sa set ng Royal Blood kung saan nakasama niya sina Kapuso Primetime King Dingdong Dantes, Lianne Valentin, Rhian Ramos, Megan Young, Mikael Daez, at Sienna Stevens.
Nakasuot ng puting dress ang aktres at kapansin-pansin na nagdadalang tao na ang karakter niya bilang Jackie Sagrado.
"Guess who's back," sulat ni Ashley.
Abangan ang pagbisita ni Ashley sa Royal Blood, Lunes hanggang Biyernes, 8:50 p.m. sa GMA Telebabad.
Mapapanood din ang Royal Blood sa Pinoy Hits, I Heart Movies, GTV (10:50 p.m.), at naka-livestream din sa GMANetwork.com.
SILIPIN ANG BAGONG KARAKTER NA PAGBIBIDAHAN NI ASHLEY ORTEGA SA AS IF IT'S TRUE SA GALLERY NA ITO:
