Makikilala si Dingdong Dantes bilang Napoleon "Napoy" Terrazo, illegitimate son ng business tycoon na si Gustavo Royales at isang mapagmahal na single father sa anak na si Lizzie. Nagsisikap siyang maibigay ang pangangailangan ng anak sa pagtatrabaho bilang isang motorcycle rider.
Si Megan Young ang gaganap sa dating beauty queen na si Diana. Siya ay ex-girlfriend ni Napoy na nagpakasal sa mas mayamang half-brother ng huli na si Kristoff. Handa siyang lumaban para protektahan ang anak na si Archie, na mayroong autism.
Bibigyang-buhay ni Mikael Daez ang ambisyosong karakter ni Kristoff Royales, half-brother ni Napoy na umaasang siya ang magmamana ng posisyon ng amang si Gustavo.
Gagampanan ni Rhian Ramos ang religious at conservative na karakter ni Margaret, half-sister ni Napoy at pangalawang anak ni Gustavo.
Mapapanood si Dion Ignacio bilang Andrew Castor, asawa ni Margaret. Son-in-law at kanang-kamay ni Gustavo sa kumpanya.
Gaganap si Lianne Valentin bilang Beatrice Royales, half-sister ni Napoy at ang materialistic at superficial na bunsong anak ni Gustavo.
Makikilala si Rabiya Mateo bilang Tasha, kapit-bahay na may crush kay Napoy. Siya na rin ang tumatayong ina ng anak ni Napoy na si Lizzie. Matalik siyang kaibigan ng nasirang asawa ni Napoy na si Kate.
Ang multi-awarded actor na si Tirso Cruz III ang gaganap sa karakter ng business tycoon na si Gustavo Royales, ang mayamang ama nina Napoy, Kristoff, Margaret, at Beatrice. Hinahanap kung sino sa mga anak niya ang gustong pumatay sa kanya.
Mapapanood ang seasoned-actress na si Ces Quesada bilang Cleofe, ang mayordoma at katiwala sa mansyon ni Gustavo. May mga nalalaman sa sikreto ng mga Royales.
Bibigyang-buhay ni Benjie Paras ang karakter ni Otep, best friend ni Napoy at takbuhan nito sa lahat ng bagay. May-ari ng isang maliit na talyer.
Ang seasoned actress na si Carmen Soriano ang gaganap sa karakter ni Camilla, ang biyenan ni Napoy na walang ginawa kung hindi ang subukang kuhanin sa kanya si Lizzie.
Mula Widows' Web, muling gaganap bilang Emil si Arthur Solinap. Isang imbestigador na matagal nang nagtatrabaho kay Gustavo.
Mapapanood si James Graham bilang Louie, anak ni Andrew na tinanggap ni Margaret na parang tunay niya na ring anak.
Gagampanan ni Aidan Veneracion ang karakter ni Archie, ang anak nina Kristoff at Diana na mayroong autism spectrum disorder (ASD).
Si Princess Aliyah ang gaganap sa karakter ni Anne, isang kasambahay sa mansyon ng mga Royales.
Gaganap ang child actress na si Sienna Stevens bilang Lizzie, anak ni Napoy. Handang gawin ni Napoy ang lahat para mabigyan ang anak ng magandang buhay.