BEHIND-THE-SCENES: Pictorial of the drama series 'Return To Paradise'
Simula August 1 ay mapapanood na ang kaabang-abang na drama series na 'Return To Paradise' sa GMA Afternoon Prime.
Ito ay pinagbibidahan nina Kapuso stars Derrick Monasterio, Elle Villanueva, at ang batikang aktres na si Eula Valdes.
Kabilang din sa star-studded cast ng 'Return To Paradise' sina Teresa Loyzaga, Ricardo Cepeda, Liezel Lopez, Kiray Celis, Karel Marquez, Paolo Paraiso, at Allen Dizon.
Nitong Hulyo, nagkaroon ng photo shoot ang stellar cast para sa kanilang upcoming show. Silipin ang ilang behind-the-scenes sa pictorial ng 'Return To Paradise' sa gallery na ito.
Elle Villanueva
Ang Kapuso star na si Elle Villanueva ay kabilang sa lead stars ng 'Return To Paradise.' Bibigyang buhay ng aktres ang role bilang Eden Santa Maria, ang dalagang bibihag sa puso ni Red Ramos (Derrick Monasterio).
Derrick Monasterio
Gaganap si Kapuso hunk Derrick Monasterio bilang si Red Ramos, ang rich kid at campus heartthrob, sa 'Return To Paradise.' Mahahanap ba ni Red kay Eden (Elle Villanueva) ang pagmamahal na ipinagkakait sa kaniya?
Hottest new couple
Handa na ba kayo para sa tambalan nina Elle Villanueva at Derrick Monasterio sa 'Return To Paradise?'
Eula Valdes
Isa rin sa mga inaabangan dito ay ang pagbabalik-serye ni seasoned actress Eula Valdes sa GMA Network.
Teresa Loyzaga
Kabilang din ang batikang aktres na si Teresa Loyzaga sa star-studded cast ng 'Return To Paradise.'
Liezel Lopez
Looking stylish naman ang Sparkle actress na si Liezel Lopez! Abangan ang kanyang karakter na si Sabina sa 'Return To Paradise.'
Kiray Celis
Handa na si Kapuso actress-comedienne Kiray Celis para magbigay ng saya sa upcoming show na ito.
