Allen Ansay, emosyonal dahil natupad ang kanyang pangarap sa 'Raya Sirena'
Naging emosyonal ang aktor na si Allen Ansay dahil unti-unti nang natutupad ang kanyang mga pangarap na bumida sa isang teleserye.
Masayang masaya kasi si Allen na bibida siya sa Regal Studio Presents: Raya Sirena kasama sina Sofia Pablo at Allen Ansay.
"'Ngayon talaga Tito Lhar, pag iniisip ko 'yun naiiyak pa rin po talaga ako," pag-amin ni Allen kay Lhar Santiago sa 24 Oras.
"Kasi hindi naman po talaga kaming mayaman ng pamilya ko. Sina Mama talaga, sobrang sikap po nila magtrabaho.
"Masaya po talaga ako kasi 'pag ginagawa ko po 'to, ang sarap-sarap po sa pakiramdam.
"Masayang masaya po ako na ginagawa ko 'to."
Gagampanan ni Sofia si Raya, isang spoiled brat na magiging sirena dahil sa isang sumpa.
Kuwento ni Sofia, "Istoryo po ito ng isang spoiled brat na may sama ng loob sa kanyang daddy kasi feeling niya walang atensyon sa kanya."
"So dahil pagmamaldita niya, na-curse siya na maging mermaid."
Huwag palampasin ang pangalawang bahagi ng special primetime premiere ng Regal Studio Presents na "Raya Sirena," ngayong Sabado, September 18, 8:30 p.m. sa GMA.
