SNEAK PEEK: Barbie Forteza sa 'Regal Studio Presents: My Birthday Wish'
Isang feel-good story ang hatid ng upcoming special ng weekend anthology series na Regal Studio Presents!
Pinamagatang "My Birthday Wish," pagbibidahan ito ni Kapuso actress Barbie Forteza.
Gaganap siya bilang Joanna, isang babaeng magkakaroon ng pagkakataong bumalik sa kanyang kabataan.
Isang 50-year-old housewife si Joanna kaya hindi niya mapigilang ikumpara ang sarili sa mga kaibigan na sa palagay niya ay mas may narating sa buhay kaysa sa kanya.
Kaya naman sa kanyang kaarawan, nag-wish si Joanna ng second chance para itama ang mga mali niya sa nakaraan.
Paggising ni Joanna, 25 years old na muli siya! Ano kaya ang mga babaguhin ni Joanna sa kanyang nakaraan?
Bahagi din ng episode sina Royce Cabrera na gaganap bilang asawa ni Joanna na si James, Julian Roxas na gaganap naman bilang Henry--ang lalaking makikilala ni Joanna sa past, at Sarah Edwards na gaganap bilang kaibigan ni Joanna na si Cherrie.
Abangan ang kuwento tungkol sa second chances sa "My Birthday Wish" sa Regal Studio Presents, August 21, 4:35 pm sa GMA.
Silipin ang ilang eksena mula sa episode sa gallery na ito:
Barbie Forteza
Si Barbie Forteza ay si Joanna, isang housewife na babalik sa kanyang past sa kagustuhang mabago ang kanyang present.
Time travel
Dahil sa isang wish noong 50th birthday niya, babalik sa pagiging 25 years old si Joanna.
