Mikoy Morales, Royce Cabrera at Sarah Holmes, love triangle sa 'Regal Studio Presents: My Heart, My Soul'

Isang ghostly love triangle ang mapapanood sa bagong episode ng weekend anthology series na Regal Studio Presents ngayong Linggo.

Pinamagatang "My Heart, My Soul," tampok dito sina Mikoy Morales, Royce Cabrera at Sarah Holmes.

Si Mikoy bilang Ram, best friend ni Karl na karakter naman ni Royce. Matagal nang magkaibigan ang dalawa at mahuhulog ang loob nila sa isa't isa.

Kaya lang, engaged na si Karl kay Bianca, karakter na gagampanan ni Sarah.

Sa 'di inaasahang pagkakataon, mamamamtay si Karl pero mananatiling malapit kay Ram ang kaluluwa niya.

Gusto kasi ni Karl na iparating ni Ram kay Bianca ang katotohanan sa kanilang relasyon.

Magawa kayang ipagtapat ni Ram kay Bianca ang namagitan sa kanila noon ni Karl?

Abangan ang brand new episode na "My Heart, My Soul," January 14, 4:15 p.m. sa Regal Studio Presents.

Naka-livestream din nang sabay ang episode sa GMANetwork.com/KapusoStream.