Betong Sumaya, ibinahagi ang bagong dapat abangan sa 'Quiz Beh!'

Mas masaya at mas exciting umano ang season 2 ng Quiz Beh!

Ayon kay Quiz Beh! host Betong Sumaya, may mga bagong magaganap sa kanyang online show.

"Sa Quiz Beh! po abangan po nila ang mas mabibigat na mga Kapuso artists ang maglalaro," sabi ni Betong sa ginanap na press interview kamakailan.

Dagdag pa niya, may makakasama rin silang mga taong malalapit sa kanilang mga puso sa game show na ito.

"Baka ngayon sasamahan na rin ng mga pamilya nila, so baka may mga nanay, tatay, kapatid."

Samantala, nag-e-enjoy raw si Betong bilang host ng Quiz Beh! dahil nakakasama niya ang kanyang mga kaibigan sa industriya.

"Para kaming naglalaro lang, nag-uusap na minsan nakakalimutan namin ay sandali marami palang nanonood. Live pala 'to."

Abangan ang pagsisimula ng second season ng Quiz Beh! with Betong sa GMA Network Facebook page at GMA Artist Center YouTube channel.

Pekto Nacua, nagkuwento tungkol sa kanyang online show na 'E-Date Mo Si Idol'

GMA Artist Center takes over YouTube!