'Prinsesa Ng City Jail,' may mahigit 200 million online views na!

By Aaron Brennt Eusebio

Published On: February 11, 2025, 02:55 PM

Updated On: February 11, 2025, 04:50 PM

May mahigit 200 million views na ang videos ng 'Prinsesa Ng City Jail.'

Pa-intense nang pa-intense ang mga nangyayari sa GMA Afternoon Prime series na Prinsesa Ng City Jail kaya parami nang parami ang mga nanonood nito online.

Nalaman na kasi ni Divina (Denise Laurel) na si Libby (Lauren King) ang tunay niyang anak. Samantala, magaan rin ang loob sa isa't isa nina Sharlene (Beauty Gonzalez) at Princess (Sofia Pablo).

Madalas nagkukrus ang landas ng dating magkaibigang Sharlene at Divina, at ang magkaaway na Princess at Libby.

Dahil dito, mayroon nang mahigit 200 million views sa online ang Prinsesa Ng City Jail simula nang umere ito noong January 13.

Tuluyan kayang magpapaapi sina Princess sa kamay ni Libby? Kailan kaya darating ang panahon na lalaban si Sharlene kay Divina?

Patuloy na panoorin ang Prinsesa Ng City Jail, Lunes hanggang Biyernes, 3:20 p.m. sa GMA Afternoon Prime at Kapuso Stream.

Tags:

prinsesa ng city jail,sofia pablo,beauty gonzalez,denise laurel,lauren king

Comments