Pepito Manaloto: Tuwang-tuwa yarn, Pepito!

Selos overload ang mangyayari sa all-new episode ng Pepito Manaloto: Tuloy Ang Kuwento this Saturday, January 27!

Maiisipan ni Elsa (Manilyn Reynes) na mag-take sila ng swimming lessons ni Pepito (Michael V.), matapos iligtas ni Pitoy ang isang babae na muntik nang malunod sa clubhouse.

Kaso, ang instructor ng mister, ubod ng ganda at sexy! Kaya itong si Elsa, ramdam na ramdam ang pagseselos nito.

May patutunguhan pa kaya ang swimming lesson ng mag-asawang Manaloto this weekend?

Magkakaroon din ng emergency sa Manaloto mansion ngayong Sabado ng gabi dahil hindi umuwi si Clarissa (Angel Satsumi) nang bumisita bigla ang boyfriend nito na si Jacob (John Clifford) na sumasailalim sa chemotheraphy.

Saan kaya dinala ng binata ang unica hija nina Pepito at Elsa?

Mag-relax with the whole family, habang nanonood ng Pepito Manaloto: Tuloy Ang Kuwento sa oras na 7:15 pm ngayong January 27 pagkatapos ng Jose & Maria's Bonggang Villa 2.0.