Isang magandang buhay kasama ang inang si Cora (Lotlot de Leon) —ito ang pangarap ni Neri (Kim Rodriguez). Ngunit dahil sa hindi inaasahang pagkakataon, makikilala niya ang mag-asawang Vivian (Gwen Zamora) at Anton (Christian Bautista). Dahil sa angking kabutihan ng dalaga, kukupkupin siya at pag-aaralin ng mga ito.

Dito magsisimulang magbago ang buhay ni Neri. Makikilala niya ang mag-inang Stella (Meryll Soriano) at Karen (Joanna Marie Tan) na siyang magpapahirap sa kanyang buhay. Bukod dito, isang bagay tungkol sa kanyang pagkatao ang mabubunyag— si Vivian ang tunay niyang ina.

Kung ang buhay niya ay puno ng kasinungalingan, handa pa rin kaya siyang maniwala sa tunay na pagmamahal?